झारखंड विद्यार्थी आंदोलन: झारखंड लोकसेवा आयोग (JPSC) आणि झारखंड कर्मचारी निवड आयोग (JSSC) यांच्या भरती परीक्षांमधील कथित अनियमिततेच्या विरोधात आंदोलन करणाऱ्या विद्यार्थ्यांना, सोमवारी राज्याची राजधानी रांची येथील झारखंड विधानसभेकडे मोर्चा नेत असताना लाठीचार्ज आणि अश्रुधुराच्या गोळ्यांना सामोरे जावे लागले. त्यांचा 'विधानसभा घेराव' मोर्चा रोखण्यासाठी केलेल्या पोलीस कारवाईत अनेक आंदोलक जखमी झाले आहेत. पाण्याचे फवारे, लाठीमार आणि अश्रुधुराच्या गोळ्यांना न जुमानता आंदोलकांनी आता विधानसभा परिसराला वेढा घातला आहे, त्यामुळे झारखंडच्या अध्यक्षांना विधानसभेचे कामकाज तहकूब करावे लागले आहे. 

- Advertisement -

विद्यार्थी नेते देवेंद्र नाथ महातो हे देखील स्ट्रेचरवरून आंदोलनस्थळी पोहोचून विधान सभा घेराव मोर्चात सामील झाले. जेपीएससी आणि जेएसएससीमध्ये सुधारणा करण्याच्या मागणीसाठी महातो गेल्या सात दिवसांपासून उपोषणावर आहेत. आंदोलकांनी कथित अनियमिततेची सीबीआय चौकशी आणि नुकतीच घेण्यात आलेली जेपीएससी परीक्षा रद्द करण्याची मागणी केली आहे.